關於我們 - 愛心送暖在紅A

2018-12-09 - 紅A齊惜福潷飯義工團

義工團出發到齊惜福學習「惜食」概念!原來惜食唔單單珍惜食品,用餐盒帶走食唔晒嘅食物❤️,唔做大嘥鬼。培養生活小習慣可以做到更多!例如用果仁、腰角代替豬骨煲中式老火湯,更健康之餘又可以減少因飼養家畜而造成嘅碳排放,廚餘都可以減少埋添😜!

我地一去到,聽完簡介會,就立即換好衫去進行體驗環節,幫齊惜福係1個鐘內備準備270個飯盒🤩。

準備完飯盒之後,我地幫手準備下一餐食材,從中學習點樣處理煮食中產生嘅廚餘😎。

辛苦完,學習更多知識,重有試食環節!原來付出多少少就可以改變更多😗。

齊惜福主力推動惜食概念,教育大眾珍惜食物,另外為有需要人士提供餐膳服務。